С Праздником Почаевской Иконы Божией Матери!

 Молитва перед Почаевской иконой Божьей Матери

О, Пресвятая Дево, Владычице Богородице! Благодарю Тя от всего сердца моего, яко сподобила мя еси грешнаго и недостойнаго раба Твоего предстати зде и покланятися на святей горе Твоей. О, коликих благ удостоихся тако многогрешный аз милосердием Твоим. Вижду, Пречистая, и ужасаюся, и истаевает дух мой, зря воочию многоцелебный сей источник благодати Твоея, егоже издревле во следе святыя стопы Твоея неизреченно явила еси, и всеблагоговейно покланяемся на месте, идеже стоясте Девичестии нозе Твои, молю Тя, благословенная Надеждо и Спасение душ и телес наших: омый мя цельбоносною водою Твоею от всякия скверны плоти и духа, утоли благодатными струями Твоими вся страсти моя сердечныя, уврачуй каплями от приснотекущaгo источника Твоего вся недуги моя телесныя, да, Тобою наставляемый, врачуемый и избавляемый, воспеваю Тебе всеусердно: Радуйся, источниче радости непрестаемыя, радуйся, точе доброты неизреченныя. Радуйся, вожделений нечистых потопление, радуйся, скверн всяких измовение. Радуйся, струе световиднейшая во здравие верным от горы приосененныя чащи благодать исцелений подавающая, радуйся, росо небесная, свыше токи премудрости жаждущим истиннаго познания ниспосылающая. Радуйся, похвало Почаевская, спаси ны, молящияся Тебе, Надеждо наша и утешение. Аминь.

Читать о паломнической поездке в Свято — Успенскую Почаевскую Лавру

Тиша(278)